Асучасніць, захаваўшы дух настальгіі: рэдызайн этыкеткі піва «Жыгулёўскае» ад «Бабруйскага бровара»

«Жыгулёўскае» – легендарны гатунак савецкага піва, не які страціў папулярнасці і ў наш час. Сёння яго варыяцыі вырабляюць адразу ў некалькіх краінах СНД. Рэдызайн этыкеткі «Жыгулёўскага» ад «Бабруйскага бровара» быў прызначаны ўзмацніць прыкметнасць гандлёвай маркі на паліцы і асучасніць аблічча прадукту. Пры гэтым важна было захаваць пазнавальнасць і характар любімага многімі брэнда.

Мы пераасэнсавалі стылеўтваральныя канстанты – фірмовы жоўты фон і лагатып на сіняй плашцы. Колеры сталі больш чыстымі, а іх спалучэнне больш кантрасным. Так з’явілася неабходная сігнальнасць, дызайн стаў больш выразным. А дыяганальнае размяшчэнне лагазоны дадало дынамікі і дазволіла павялічыць назву – прыцягнуць да яе ўвагу.

Геральдычныя элементы, якія не зусім адпавядалі духу часу, замянілі на выяву Мінска 70-х гадоў. Разам з вінтажным шрыфтам яна стварае характэрны настальгічны настрой і падкрэслівае аўтэнтычнасць прадукту. Адсылка да Мінска і пераклад этыкеткі на беларускую мову акцэнтуюць увагу на беларускім паходжанні прадукту, якое для многіх з'яўляецца сінонімам якасці.